BUTUAN CITY- Gikuha sa United States niadtong Miyerkules ang sanctions batok kang Francesca Albanese, usa ka eksperto sa United Nations Human Rights Council nga bantugan sa iyang kusog nga pagbatikos sa Israel may kalabotan sa pagtratar niini sa mga Palestino.
Ang desisyon miabot human ang US District Judge nga si Richard Leon nagpagawas og preliminary injunction nga mipabor kang Albanese, kansa nag-ingon nga ang pagpanalipod sa freedom of speech kanunay nga anaa sa interes sa publiko. Base sa pahibalo sa US Treasury Department, gikuha na ang sanctions designation nga maoy hinungdan nga dili kini makagamit sa dagkong credit cards ug makapahigayon og bank transactions sa tibuok kalibutan.
Si Albanese, nga usa ka Italyana, nahimong prominenteng kritiko sa military campaign sa Israel sa Gaza sukad sa pag-atake sa Hamas niadtong Oktubre 7, 2023, ug kanunay niining giakusahan ang Israel nga nagpatuman og genocide batok sa mga Palestino—akusasyon nga gilimod sa Israel. Sa miaging tuig, gipahamtangan kini og sanctions ni US Secretary of State Marco Rubio og antisemitism, pagsuporta sa terorismo, ug pagpakita og pagdumot batok sa US, Israel, ug kasadpang mga nasud.
Apan, gilimod ni Albanese ang maong mga alegasyon bisan pa sa nagpadayon nga kontrobersiya ug backlash batok sa iyang mga pahayag may kalabotan sa Oktubre 7 nga pag-atake sa Israel.
