BUTUAN CITY – Gipamugos ni Interior and Local Government Secretary Jonvic Remulla nga walay nahitabong pag-atake sa Senado human sa “gun-related incident” nga mitay-og sa Senado niadtong Mayo 13.
Sigon ni Remulla nga klaro matud pa sa tanang ebidensya nga walay pag-atake nga nahitabo sa dakbalay sa Senado.
Gipasabot sa kalihim nga walay mga ahente sa National Bureau of Investigation o NBI nga misulod sa dakbalay sa Senado niadtong adlaw sa insidente.
Sumala pa sa opisyal, anaa sa tapad nga dakbalay lang sa Government Service Insurance System o GSIS ang mga niini.
Dugang pa ni Remulla, nangayu og tabang si GSIS President ug General Manager Wick Veloso sa NBI aron pakusgon ang seguridad sa GSIS human gi-aghat ni Senador Ronald dela Rosa ang iyang mga tagasuporta nga mohimo og prayer vigil sa Senado.
Sigon usab sa DILG chief nga gustong protektahan sa GSIS ang bilyones pesos nga kantidad sa mga obra ug uban pang mahinungdanong kagamitan sulod sa ilang dakbalay ugaling mosamot ang sitwasyon sa palibot sa Senado.
