BUTUAN CITY – Usa ka high school sa New York ang posibleng makakuha og Guinness World Record tungod kay ang ilang graduating class duna ma’y record-breaking nga 21 ka mga class valedictorians gikan sa 300 nila ka mga estudyante.
Ang Jericho High School sa Nassau County, Long Island, nagbase sa ilang valedictory status sa letter grades, inay nga sa percentage kansas nagpasabot nga ang matag- valedictorian, nakatala og straight A+ report cards pinaagi sa ilang academic career, apan posibleng wala makakuha og 100% sa matag-kurso.
Sigon ni district superintendent Robert Kravitz, naghatag kini sa tanang mga estudyante og equity ingon man oportunidad rason nga ang mga estudyanteng wala makakuha og advanced placement classes, mahimo silang scholar.
Sigon ni co-Principal Brian Cummings, ang grado nga A+, nagrepresenta sa grado nga dili mu-ubos sa 97% kansa dakong kalampusan sa mga estudyante.
Ang 21 ka mga valedictorians nagrepresenta og usa ka bag-ong record alang sa maong tunghaan human nga unang nakatala og 15 ka mga valedictorians.
Apan ang maong academic achievements misangpot ngadto sa usa ka problema tungod kay dili tanan sa 21 ka mga valedictorians ang makahatag sa ilang speech sa graduation.
I-uban sila sa usa ka procession, ug buhatan sila og usa ka video kalabot sa ilang mga accomplishments nga ilang i-share sa ilang komunidad.
