BUTUAN CITY- Gisiguro ni House Prosecutor ug Bicol Saro Party-list Rep. Terry Ridon, nga andam na ang ilang han-ay nga ipresenta ang mga gikoptang ebidensya batok kang Vice President Sara Duterte sa sunod nga adlaw.
Kini human pormal nang gibuksan ug gi-convene ang Senate Impeachment Court alang sa pagtaral kang Vice President Sara Duterte.
Gisiguro ni Ridon ngas motubag ang panel sa tanang mga kamanduan, direktiba, ug legal nga proseso nga itakda sa maong impeachment court samtang nagtuyok ang makasaysayang pagtaral sa Senado.
Sa laing bahin, minghirit usab ang Makabayan Bloc nga sugdan dayon ugmang adlaw ang pagtaral batok kang VP Sara.
Gipasi-ugda usab nila ACT Teachers Rep. Antonio Tinio, Gabriela Women’s Party Rep. Sarah Jane Elago, ug Kabataan Rep. Atty. Renee Louise Co nga kini usa ka importanteng konstitusyonal nga lakang padulong sa responsibilidad.
Gilaoman usab sa maong grupo nga buhaton sa Senado ang responsibilidad niini nga adunay seryosong dedikasyon ug paspas nga aksyon.
Sumala sa Makabayan Bloc, dugay nang naghuwat ang katawhang Pilipino sa mga tubag bahin sa seryosong mga alegasyon sa korapsyon ug iregular nga paggamit sa pondo sa katawhan.
Gisiguro sa mga progresibong magbabalaod nga magpabilin silang nakapusko aron masigrung mahimong patas, transparent, ug nakapukos sa esensya sa mga kaso ang tibuok proseso
