6 patay sa natigayong panagbangga sa usa ka bus ug cargo truck sa Yemen

BUTUAN CITY- Misaka pa sa unom ka tawo ang patay ug 19 ang angol sa natigayong panagbangga sa usa ka bus ug cargo truck sa Hadramout, Yemen.

Ang insidente nahitabo sa Al Abr international highway, usa ka iladong routa nga nagkonektar sa dalan sa Yemen ug sa Saudi Arabia.

Subay sa inisyal nga report, nawad-an matud pa og kontrol sa manebela ang drayber sa bus, samtang ang katagbo nga cargo minglikay sa mga mitabok nga camel.

Gani, paspas nga nakaresponde ang mga medical teams sa crimes scene ug gilayong gimando ni Yemeni Transport Minister Mohsen Al-Amri ang hugot nga imbestigasyon.