BUTUAN CITY– Padayon nga gipakusgan sa Provincial Government of Agusan del Norte pinaagi sa Provincial Disaster Risk Reduction and Management Office kon PDRRMO nga gipangulohan ni Erma Suyo ang kapasidad sa disaster response pinaagi sa pagpatuman sa All Hazard Incident Management Team (AHIMT) training.
Ang maong pagbansay naglatid sa standardisadong pagtudlo sa incident command systems, emergency operations, rescue coordination ug crisis communication aron mas mapaayo ang inter-agency response sa panahon sa kalamidad ug emerhensiya. Kabahin kini sa mas lapad nga paningkamot sa probinsya nga mapalig-on ang disaster resilience sa mga komunidad nga sagad maapektuhan sa pagbaha, landslide, sunog, aksidente sa kalsada, ug grabe nga kalihukan sa panahon sa Northern Mindanao.
Lakip sa mingsalmot sa simulation exercises and workshops ang mga representante gikan sa Risk Reduction offices, Bureau of Fire Protection, health services, ug law enforcement agencies aron masulayan ang paspas nga koordinasyon ug pagtubag sa emerhensiya. Ang Agusan del Norte nagpabilin nga usa sa mga probinsya nga aktibong nagpalambo sa disaster readiness initiatives, subay sa AKSYON: 6 Point Agenda ubos hini-usang liderato nila Gov. Angel Amante ug Cong. Dale. Corvera.
