BUTUAN CITY- Gibutyag ni Atty. Sonny Matula, Presidente sa Federation of Free Workers, nga makauulaw ug klarong “timing” ang nahitabo sa Senado atol sa botohan sa House of Representatives kalabot sa impeachment ni Vice President Sara Duterte, diin asa matud pa niini nga adunay “kudeta” o kalit nga pagbag-o sa liderato sa Senado aron mapalig-on ang usa ka pro-Duterte nga liderato.
Sigon pa niini, nga ang dako nga suporta sa Articles of Impeachment nga gipasa sa Kamara nagpakita sa kusog nga pagduso sa kaso batok sa Bise Presidente, apan sa pikas bahin, nakita usab ang maayong naplanong resistensya sa Senado pinaagi sa kalit nga pag-ilis sa liderato ug sa pag-abot ni Senator Ronald “Bato” dela Rosa.
Gilauman usab ni Matula, nga i-endorso sa Senado ang Articles of Impeachment karung adlawa, apan nabalaka usab kini sa posibleng pagdumala ni Senator Alan Peter Cayetano isip bag-ong Senate President, tungod nailhan na matud pa kini nga usa ka pro-Duterte supporter, kansa maoy hinungdan sa pagduda sa publiko nga posibleng mokiling ang Senado pabor kang Duterte sa umalabot nga impeachment trial.
