BUTAUN CITY- Nagpadayon ang pagbomba sa Israel sa habagatang Lebanon diin upat ang napatay ug walo ang nasamdan, sumala sa Lebanese media.
Samtang gitaho usab sa International media nga duha ka medics ang nasamdan dihang giigo sa airstrike ang usa ka civil defence team sa Toul, Nabatieh. Duha ka lalaki ang napatay ug lima ang na-angol sa Ebba, samtang usa ka drone strike sa Haris nakapatay og usa ug naka-angol usab.
Target usab sa Israeli warplanes ang balay sa kanhi municipal chief sa Sajd ug adunay laing mga atake sa Kfar Rumman ug Safad al-Battikh. Sa wala pa ang mga pagpamombomba, nagpagawas ang Israeli army og pahimangno sa forced displacement sa siyam ka lungsod sa habagatang ug silangang Lebanon.
Sa kasamtangan, usa ka Israeli soldier ang napatay ug tulo pa ang nasamdan sa drone attacks sa Hezbollah, samtang nagpadayon ang panagsangka bisan pa sa ceasefire nga gisugdan niadtong Abril 17.
