BUTUAN CITY – Gihugon-hugon karon ang paghulip og liderato sa Senado apan taliwa niini, gibutyag ni Senate President Vicente Sotto III nga padayon niyang gihimo ang yang katungdanan dungan sa pagbutyag nga andam matud pa siya sa kagustuhan sa iyang mga ka-ubanan sa Senado.
Gibutyag niini nga padayon niyang himuon ang iyang katungdanan ug sundon ang Konstituyon ug itugyan na matud pa niya sa Ginoo ang tanan apil na kung unsa ang gusto sa iyang mga ka-ubanang senador.
Samtang ang ubang mga senador sama nila Sherwin Gatchalian ug Erwin Tulfo ang nagpadayag pa gihapon sa ilang suporta sa liderato ni Sotto.
Sa kasamtangang ihap, duna’y 15 ka mga membro ang majority bloc, samtang 9 usab ang anaa sa minority.
Aron mahulipan si Sotto isip Senate President, magkinahanglan pa ang majority bloc og dugang upat ka mga senador gikan sa minority.
