NBI, mingklaro nga dili target ang mga kalaban sa administrasyon; pamulitika, hugot nga gilimod

BUTUAN CITY- Giklaro sa National Bureau of Investigation nga dili nila target pukusan ang mga mingsupak sa kasamtangang administration ni President Ferdinand Marcos Jr.

Sumala ni NBI Director Atty. Melvin Matibag, wala sila namulitika sa mga kaso o operasyong gihimo sa maong ahensiya.

Gibida usab niini ang 182 ka malampuson nga operasyon sa departamento kansa nakapasaka nga ihap sa kaso aron mapatubag ang mga kinahanglang manubag.

Pagklaro pa ni Atty. Matibag, nga sa dul-an dos mil ka kaso o operasyong gikasa sa NBI, duha lang ka personalidad ang adunay kalambigitan sa pulitika.

Kini matud pa ang sa pamilya ni former Rep. Mike Defensor ug ang pinakabag-o ang kaso ni Jay Sonza, gawas sa mga nahisgutan, wala nay nalakip pa.