BUTUAN CITY- Gisupak sa International Criminal Court Prosecution ang hangyo ni kanhi President Rodrigo Roa Duterte nga i-apela ang desisyon sa pagkumpirma sa mga kasong adunay kalabotan sa mga Extrajudicial Killing niadtong Mayor pa kini sa Davao City hangtud nga nahimong Presidente sa Pilipinas.
Sumala sa prosecution, sayop ang interpretasyon sa depensa ug wala kini magpakita og appealable issue. Giinsistar usab, nga klarong gitumbok sa korte ang sakop sa mga alegasyon ug husto nga napasabot ang mga basehan sa matag usa, lakip na niini ang mga ebidensya ug mga testimonya.
Gipasi-ugda usab, nga ang tanang argumento sa depensa possible gihapong dunggon sa Trial Stage, hinungdan nga walay pagsupak sa fairness ug due process. Tumong matud pa nga basehan ang pamahayag nga wala napasabot nga ebidensya kansa gigamit sa pagconfirm sa kaso.
Gisaway usab sa prosecution ang pipila ka pamahayag sa Defense batok sa International Criminal Court, kansa makaguba matud pa sa integridad sa korte ug sa disinformation. Supak usa ang mga representate sa mga biktima sa hangyo nga i-apela samtang gikatakda nga mosibog ang kaso sa Trial Chamber III.
.
