BUTUAN CITY – Nakatala ang Bureau of Customs (BOC) og pinakataas nga koleksyon sa kasaysayan niadtong bulan sa Abril nga miabot sa P86.4 bilyon—bisan pa sa pagsuspenso sa buhis sa LPG ug kerosene tungod sa energy emergency.
Mas taas kini kaysa target nga P78.6 bilyon, nga nagpasabot og surplus kon sobra nga P7.8 bilyon kansa mas taas usab og 15.7% kumpara sa mi-aging tuig.
Madumdumang gimando ni Pangulong Ferdinand Marcos Jr. ang pagpatuman sa 3 ka bulan nga pagsuspenso sa excise tax sa LPG ug kerosene aron mapakunhod ang gasto sa fuel.
Bisan pa niini, ang total koleksyon gikan Enero hangtod Abril miabot og P325.81 bilyon—mas taas kaysa target ug nisaka og 6.4% kumpara sa 2025.
Sigon si Ariel Nepomuceno, kini nagpakita sa maayong trabaho ug disiplina sa ilang mga empleyado.
Sa kinatibuk-an, maayo ang sugod sa BOC padulong sa ilang target nga P1.003 trilyon alang ning tuiga.
