BUTUAN CITY – Human ang mubo nga pagpa-ila ni Speaker of the House Mike Johnson, gipasalamatan ni King Charles ang mga magbabalaud sa Amerika ug ang katawhan sa pagdawat kaniya sa ika-250 nga anibersaryo sa pagpitma sa Declaration of Independence kansa mi-ani og kusog nga pakpak.
Gipadayag pa niini nga nagtagbo sila sa panahon nga wlaa’y klaro ang kalibutan dayong tumbok sa natigayong giyera sa Urupa ug sa Middle East.
Iya usab nga gihisgutan ang insidente niadtong weekend kondiin gilawgaw sa usa ka lalaki ang gala event nga gitambungan ni US president Donald Trump kondiin nagbitbit pa kini og mga armas.
Mas milanog pa ang pakpak sulod sa Capitol Hill dihang gipadayag niini nga bisan unsa pa ang ilang panagbangi, wala pagsinabtanay, pabilin silang magbarig nga maghi-usa sa ilang commitment nga ipatigbabaw ang demokrasya, protektahan ang katawhan gikan sa mga kaala-utan nga sigurado siyang dili mulampos.
Gipadayag pa sa hari sa Britanya nga midalikyat siya sa Amerika uban sa pinakataas nga respeto alang sa United States Congress; kansa gimugna aron irepresenta ang tingog sa tanang katawhan sa Amerika sa ingon ma-asdang ang balaang katungod ug kagawasan.
Iyang gidugang nga dili niya malikayan ang pagdumdom sa iyang inahan nga si Queen Elizabeth II, kinsa namulong sa susamang chamber niadtong 1991, nga karon iyang gisegundahan aron ipa-abot ang iyang pinakataas nga regard ug panaghigalaay sa katawhan sa Britanya ngadto sa katawhan sa Amerika.
Gitipas usab ni King Charles ang iyang speech ngadto sa pag-promote sa kamahinungdanon sa pagpanalipod sa kina-iyahan.
Iyang gibutyag nga samtang atong gilantaw ang musunod nga 230 ka mga tuig, kinahanglan usab matud pa nga manalamin ang tanan sa tagsa-tagsa nato ka mga responsibilidad aron bantayan ang Mother Nature, kansa mao ang pinakamahal ug dili mahulipan nga bahandi sa tanang katawhan.
