BUTUAN CITY -Aminado si Department of Justice kon DOJ secretary Frederick Vida nga sa karun wala siya nasayud sa nahimutangan sa puganteng si kanhe House appropriations panel chair Zaldy Co.
Sumala pa sa opisyal nga wala siyay impormasyon o ideya kung asa ang particular nga lokasyon sa kanhe magbabalaod.
Apan gipa-ambit niini nga basin og naa sa Schengen area pa si Co base sa intel nga gihawiran karun sa buhatan.
Kini ang misunod sa anunsiyo sa opisyal nga wala na sa otoridad sa Czech Republic si Co.
Kini human usab nakigpulong ang high level team sa Pilipinas sa ilang counterparts sa Czech Republic kagahapon.
Dugang pa ni secertary Vida nga wala nay laing gipa-ambit pa sa ilaha nga dugang impormasyon mahitungod sa posibleng lokasyon ni Zaldy Co.
Samtang mingsaad usab kini, nga magpadayon sa pagpaningkamot ang ahensya aron masikop si Co ug maditine sa Pilipinas aron atubangon ang mga kaso.
