BUTUAN CITY – Mi-abot sa 539 ka mga paryente sa mga biktima sa gika-ingong extrajudicial killings (EJK) ang nag-apply isip participating victims sa kaso batok kang kanhi Pangulong Rodrigo Duterte sa International Criminal Court (ICC) aron mapa-abto ang ilang panglantaw sa proseso sa pagtaral.
Sumala ni ICC Assistant to Counsel Atty. Maria Kristina Conti, dili kinahanglan nga motestigo sa korte ang mga biktima tungod kay lahi sila sa mga testigo nga pilion sa Prosecution ug Defense.
Sakop lamang sa kaso ang mga insidente gikan Nobyembre 2011 hangtod Marso 2019 ug sigon ni Conti, posible nga hatagan og konsiderasyon sa ICC si Duterte, lakip ang pag-apil sa pagdungog pinaagi sa video call.
Una nang gibarugan sa ICC ang hurisdiksyon niini ug gikumpirma ang mga kaso batok kang Duterte kabahin sa crimes against humanity, lakip ang murder ug attempted murder, nga gika-ingong kabahin sa halapad ug sistematikong pag-atake batok sa mga sibilyan.
