BUTUAN CITY- Wala na gihawa sa Department of Justice (DOJ) ang posibilidad nga posibleng nakasibat na sa kustodiya sa mga awtoridad sa Czech Republic ang kanhi magbabalaod nga si Zaldy Co.
Sigon ni DOJ Secretary Frederick Vida, nga walay kasiguraduhan nga gikoptan pa sa mga otoridad si Co ug kinahanglan nga i-respeto ang ilang balaod.
Hugot nga gikomperma ug giberipika pa sa DOJ ang nasangpit mga taho.
Minghatag na usab sila og mga impormasyon sa mga immigration officials sa Pilipinas ug kapulisan nga si Co anaa sa kustodiya sa mga otoridad sa Czech.
Personal nga mingbyahe sa Czech Republic si Vida aron nga makakuha og mga impormasyon ug tan-awon ang mga posibilidad nga makahatag og red notice gikan sa interpol batok kang Co.
Aduna pa usab laeng grupo ang mo-adto sa Central European country aron dalhon ang pipila ka mga dokumento nga maghatag og mga rason sa red notice kang Co.
Wala usab kini nakita nga eadline rungod adunay kaugalingong sistema ang Czech nga angay respitohon.
Kahinumdumang una na nga gi-anunsyo ni President Ferdinand Marcos Jr na nasikop sa Czech Republic si Co tungod sa kakulang sa mga dokumento.
Si Co nalambit sa nagkanda-iyang anomalya nga adunay kalabotan sa flood control projects.
