BUTUAN CITY- Nasulod sa kasamtangan nga kontrobersiya ang White House Correspondents’ Dinner human adunay natigayong assassination attempt batok kang US President Donald Trump samtang nag-andam kini sa iyang pamulong.
Sumala ni Bombo Pinoy Legarda Gonzales, Bombo International Correspondent to USA, nga adunay pagbuto nga nadungog sa gawas sa venue ug usa ka suspetsado nga armado ang misulay pagsulod sa lobby. Gani gibutyag pa niini, nga usa ka miyembro sa US Secret Service ang naigo sa bala apan nakaluwas tungod sa bulletproof vest.
Gilayon nga nakatubag ang mga otoridad ug na-neutralize ang suspetsado nga giilang si Cole Allen, 31 anyos, ug usa ka magtutudlo gikan sa Torrance, California.
Gibutyag usab ni Gonzales, nga kung nakasulod ang maong suspek dako matud pa nga kagubot ang matigayon tugod anaa sa sulod ang mga dagkong personalidad sama nila President Trump kuaban sa iyang asawa nga si First Lady Melania Trump, tanang ganinete, lakip na ang mga opisyal ug media personalities, hinuon ang mga niini luwas na.
Gikatinga usab ni Gonzales, kung gi-iunsa sa suspetsado pagdala ug armas ngadto sa hugot nga seguridad sa Washington, D.C., gani wala gihawa niini ang posibilidad nga basin aduna matud pay contact nga anaa sa sulod sa maong kalihokan.
Dugang pa ni Bombo Pinoy, posible nga konektado kini sa mga isyu sa droga, tensyon sa US-Iran, ug sa politika nga naglibot sa mga demokratiko nga lungsod sama sa California. Gibutyag usab niini, nga ikatulo na kini nga attempt batok sa kinabuhi sa Presidente human sa insidente sa Pennsylvania ug sa golf course sa Florida.
Human sa insidente, mibalik si President Trump ug First Lady Melania sa White House diin siya naghatag og press conference kalabot sa maong insidente, diin asa giangkon sa maong Presidente nga hugot nang gipanubayan sa mga otoridad ang uban pang mga suspek ug ang pagkompirma niini nga na-neutralize ang nasikop nga suspek.
Gipasi-atab usab ni Pinoy, nga ang insidente nakapukaw og daghang reaksyon sa katawhan sa Estados Unidos diin asa ang uban nagpasalamat nga luwas ang Presidente, samtang ang pipila ka kritiko mingsaway sa panghitabo nga daw “stage drama” lang ang tanan.
