BUTUAN CITY – Giduso sa administrasyon ni US President Donald Trump ang pagdugang sa firing squad, electrocution, ug gas asphyxiation isip alternatibong pamaagi sa execution sa federal level, sumala sa taho sa Justice Department.
Tumong niining matubag ang kakulang sa lethal injection drugs ug maseguro nga mapatuman ang silot kamatayon bisan og dunay limitasyon sa supply.
Kabahin kini sa lakang ni Trump nga ibalik ang federal executions human gikuha ang moratorium sa nakalabay nga administrasyon.
Sa kasamtangan, kapin sa 40 ka kaso ang giduso para sa death penalty, bisan og wala pay miabot sa aktwal nga execution.
Tulo lang ang nahabiling anaa sa federal death row human i-commute sa kanhe administrasyon ang kadaghanan sa sentensya.
Miani usab kini og batikos gikan sa human rights groups ug pipila ka magbabalaod nga nag-ingong ang mga nasangpit nga pamaagi dili makatawhanon.
Bisan paman niini, gipamugos sa Justice Department nga kinahanglan ang nasangpit nga mga alternatibo aron mapatuman ang balaod.
