BUTUAN CITY- Gipasaka sa legal team ni kanhi President Rodrigo Duterte ang apela batok sa desisyon sa International Criminal Court (ICC) Pre-Trial Chamber human gikomperma ang mga kaso baTok sa kanhi Presidente kalabot sa mga pagkamatay ubos sa iyang ”war on drugs” campaign niadtong kini pa ang Mayor sa Davao City ug Presidente sa Pilipinas.
Sumala ni Atty. Nicholas Kaufman, nga mohangyo sila og pagtugot aron mapasaka nila ang apela sa desisyong gitawag nilang “most bizarre” o pinasahi ug “Kafkaesque” o lisud sabton.
Gi-insistar niini nga daw ming dapig ang pre-trial chamber sa prosekusyon ug wala magtagad sa katungod ni Duterte sa patas nga pagtaral.
Gikwestyon usab sa kampo sa depensa ang kakuwangon sa detalye sa mga alegasyon ug ang wala paghisgut sa ebidensya sa desisyon.
Samtang, sigon ni kanhi Chief Presidential Legal Counsel Atty. Salvador Panelo nga sa iyang panan-aw “pre-judged” na ang kaso ug gi-insistar ang alegasyong daw pagkontyabohay tali sa ICC ug kasamtangang administrasyon.
Gilimod usab sa Malacañang ang mga alegasyon. Sumala ni Palace Press Officer Undersecretary Atty. Claire Castro, napasaka na ang mga kaso naidtong tuig 2017, adiser ming-ingkod si President Ferdinand Marcos Jr., ug dili matud pa kini konektado sa kasamtangang administrasyon.
Dugang pa sa Palasyo, nga kung walay natigayong mga pagkamatay, dili matud pa mo-abot sa ICC ang kaso. Gani, ang mga insidente natigayon ubos sa implementasyong ”war on drugs” ug wala maglakip sa kasamtangang Presidente sa mga niini.
