BUTUAN CITY- Gikomperma sa Malacañang kaganiha Miyerkules nga si Vice President Sara Duterte minghangyo og pagtugot gikan sa Office of the President arn makabiyahe kini sa lima ka nasud gikan sa Abril 23 hangtud Mayo 15.
Sumala ni Executive Secretary Ralph Recto, minghangyo ang Bise Presidente og travel authority aron mobisita sa Netherlands, South Korea, Belgium, Germany, ug United Kingdom.
Gikpmperma usab ni Recto nga nagpagawas ang Office of the President og dokumentong adunay petsa nga Abril 22 kansa nag-aproba sa request ni Sara Duterte.
Base sa maong dokumento, ang biyahe gitugotan samtang kini anaa sa leave of absence ug walay gastuhon gikan sa gobyerno.
Nakalatid usab nga alisdan og bag-ong travel authority ang bisan unsang nangaging personal nga pagbiyahe, buot pasabot nga kung kini aduna nay kanhi travel permit o authority nga gi-isyu alang sa parehong biyahe o lugar, dili na kini valid kung adunay bag-ong dokumento.
Sa pagkakaron, wala pa gipagawas sa Malacañang ang kopya sa nasangpit nga dokumento.
