BUTUAN CITY- Gipatuman sa panggamhanan ang bag-ong patakaran nga nagtakda og limitasyon sa paglihok sa presyo sa mga produktong petrolyo subay sa deklarasyon nga national energy emergency.
Sumala sa Department of Energy (DOE), dili direktang kontrolon sa gobyerno ang mismong presyo sa lana, apan limitahan niini kung unsa ka dako ang posibleng i-usbaw o i-kunhod sa presyo. Ubos sa polisiya, obligadong sundon sa mga oil company ang itakdang minimum nga rollback ug maximum nga price increase.
Buot-pasabot, kung adunay i-ubos nga presyo ang DOE, kinahanglang tupngan o labawan kini sa mga kumpanya.
Gipasiugda usab ni Energy Secretary Sharon Garin nga kinahanglag sundon sa tanang oil companies ang itakdang adjustments sa gobyerno. Sama matud pa, kung P24.94 ang rollback, posible kining labwan sa kumpanya apan dili pwede nga ubsan ang gitakdang presyo sa panggamhanan. Sapikas bahin, kung mosaka ang presyo, dili usab kini angay molapas sa gitakdang limitasyon sa DOE.
Sugod karung adlawa Abril 21, 2026, laumang mo-ubosa ang presyo sa mga produktong petrolyo sa P24.94 matag litro sa diesel, P3.41 sa gasolina, ug P2.00 sa kerosene. Gilaoman usab nga mosunod ang tanang oil companies sa nasangpit nga rollback.
Una na nga nanawagan si President Ferdinand Marcos Jr. sa mga kumpanya sa lana nga dayon ug hingpit nga gipatuman ang rollback aron mahatagan og dali-ang ginhawa ang mga consumer taliwa sa nasinating krisis.
