BUTUAN CITY – Walo ka mga bata nga nag-edad og uno ngadto sa 14-anyos ang patay sa pagpamusil sa Shreveport, northwestern Louisiana, kansa base sa inisyal nga imbestigasyon sa kapulisan, usa ka domestic violence.
Ang gunman nga wala pa gi-ila, napusilan usab sa mga pulis human ang ginukdanay.
Sigon ni Shreveport Police Corporal Chris Bordelon, usa kini ka extensive crime scene sa duha ka mga pinuy-anan samtang duna’y laing pinuy-anan usab ang nahimong parte sa senaryo nga apil sa gi-imbestigahan.
Laing duha ka mga tawo ang na-igo sa pinusilay ug padayon pang gisuta ang ilang kondisyon.
Sigon sa Louisiana State Police, gihangyo ang ilang mga detectives sa Shreveport police nga imbestigahan ang maong insidente ug base sa inisyal nga impormasyon, wala’y pulis nga na-igo sa pinusilay nga mi-abot ngadto sa Bossier City.
