BUTUAN CITY– Mahimong mosangput sa mas seryosong kondisyon ang chickenpox sa gitawag nga kulebra o shingles, usa ka viral infection nga nakapahimo og painful rash ug nerve damage.
Sumala ni Dr. Denis Ngo usa ka Filipino internist and gastroenterologist , nga ang kulebra motungha human makarecover ang usa ka tawo sa chickenpox tungod kay ang varicella-zoster virus nagpabiling natago sa nerve cells ug mahimong ma-reactivate kung mahuyang ang resistensya. Ang mga sintomas niini naglakip sa pagpangatol, paltos nga puno og tubig, hilanat, ug sakit sa ulo o tiyan.
Gipasiugda usab niini, nga kini mas taas ang risgo sa mga tigulang, immunocompromised nga pasyente, ug kadtong nag-agi sa chemotherapy o nagagamit og steroids. Adunay daghang klase usab sa kulebra sama sa herpes zoster, ophthalmic shingles nga moresulta sa pagkabuta, Ramsay Hunt syndrome nga makapahimong paralitiko ang nawong, ug disseminated shingles nga makatakod sa baga, ugat, ug utok.
Bisan pa nga dili kini transferable, kinahanglan kini tambalan pinaagi sa antivirals, pain relievers, ug corticosteroids aron malikayan ang komplikasyon.
