BUTUAN CITY- Iduso sa Kamara de Representantes ang sugyot balaodnon kansa nagtumong nga pugngan ang kalit nga pagsaka sa presyo sa produktong petrolyo.
Ubos sa House Bill 8839 o “Fuel Price Stabilization and Energy Security Act” nga gihimo ni Manila Rep. Joel Chua, mahatagan og gahom ang panggamhanan nga mangilabot sa presyo ug supply sa lana sa lokal nga merkado. Sukwahi kini sa kasamtangangang sistema kung asa ang mga kompanya sa lana lang ang magmando sa presyo base sa Oil Deregulation Law.
Nakalatid sa sugyot ang pagpalig-on sa Oil Price Stabilization Fund ug Strategic Petroleum Reserve, kansa magsilbing tipiganan sa barato nga lana higayong ubos ang presyo sa pangkalibotanong merkado ug ipagawas lang kini panahon sa krisis. Sumala ni Chua, nga sa maong mekanismo malikayanan ang panic buying ug masiguro ang igo nga supply sa lana bisan pa anaa tunga-tunga sa pangkalibotanong kagubot.
