BUTUAN CITY- Gisirad-an na usa sa Iran ang Strait of Hormuz tungod sa padayon nga “blockade” o pagatang sa Estados Unidos sa ilang mga pantalan.
Gitawag sa Iran nga “piracy” o pagpanglimbong sa dagat ang gihimo sa US. Usa ka adlaw lang human gi-anunsyo sa Iran nga abrihan na ang Hormuz Strait dungan sa deklarasyon nga 10 ka adlaw nga hunong-buto o ceasefire tali sa Lebanon ug Israel, gibawi kini sa Iranian military.
Gitaho usab sa mga maritime security sources nga adunay mga pagboto sa pusil nga naggikan sa mga gunboat sa Iran batok sa usa ka tanker. Daghang barko ang mingbalik tungod sa grabe nga tensyon.
Sa Hormuz Strait mo-agi ang dul-an 20% nga lana sa atibuok kalibotan, mao nga ang pagsira niini makapahimo og kahadlok sa pagsaka sa presyo sa lana. Sigon sa Iran, magpabilin ang hugot nga kontrol sa nasangpit nga kadagatan hangtud dili hawa-on sa Amerika ang ilang naval blockade.
