BUTUAN CITY – Naghatag og usa ka isog nga pamahayag si Pope Leo XIV nga nagpahinumdom nga ang pagtuo dili angay gamiton isip instrumento alang sa gahum o gubat, kondili alang sa kalinaw.
Gikondena sa Santo Papa ang mga lider nga naggamit sa relihiyon aron ipangatarungan ang kapintasan.
Gipasiugda sa pontiff nga ang pagtuo angay mahimong tulay padulong sa kalinaw ug dili gayud angay mahimong paagi sa pagdominar o pagpakatag og kagubot.
Sumala sa American Pope, ang tinuod nga kalinaw dili mapugos pinaagi sa kusog o kapintasan, kundili pinaagi sa dayalogo ug pagsinabtanay.
Gipasidan-an usab niya nga ang paggamit sa ngalan sa Diyos alang sa personal nga politikal o militar nga interes nagdala lamang sa kangitngit ug kahugawan.
Gipasiugda ni Pope Leo XIV nga ang mga “peacemakers” o mga tigpatunhay sa kalinaw mao ang bulahan, dili ang mga nagpasugod og kagubot.
