BUTUAN CITY – Mu-abot sa 400 ka mga golfers gikan sa nagkada-iyang bahin sa nasud ug ubang mga nasud ang magdula sa 4th edition sa Cordillera Golfers Foundation Incorporated Golf Tournament nga himuon sa Baguio City.
Ilugan sa mga golfers ang nagkada-iyang kategoriya sa team ug individual events alang sa regular seniors ug ladies’ divisions.
Sa kasamtangan, gi-ila na ang Cordillera Golfers Foundation Incorporated Golf Tournament isip usa sa pinakadakong amateur tournament sa Northern Luzon.
Gibana-banang mu-abot sa 50 ka mga koponan ang musalmot sa men’s regular division alang sa A, B, C ug D categories samtang duna’y 38 ka mga senior’s teams nga mag-away sa class A, B, C ug D apil na ang pagtugot sa lima ka koponan alang sa mga junior golfers.
Sigon sa ilang presidente nga si Arnel Peil, ang pundong matigom gikan sa maong torneo, subling igahin sa grupo isp tabang sa nagkada-iyang ospital sa Cordillera Region ilabina sa pagpalit og medical equipment ug supplies.
