BUTUAN CITY- Mingbusikad ang dakong sunog sa Navotas Sanitary Landfill kagahapon Biyernes sa gabie, Abril 10, 2026. Base sa unang impormasyon, nagsugod ang sunog bandang alas-8:00 sa gabi sa Barangay Tanza ug nagpabilin pa kining aktibo hangtud alas-11:00 sa gabi.
Base sa taho sa Navotas City Fire Station, minggamit na og mga fireboat ang mga bumbero aron apulahon ang sunog tungod anaa sa usa ka isla ang lokasyon sa landfill, nga nagpalisod sa direktang pag-access sa mga responder. Gawas niini adunay mga residente usab sa silingang lugar, lakip ang pipila ka komunidad duol sa Barangay Dampalit sa Malabon City, hinungdan nga nakaalerto ang mga awtoridad tungod sa posibleng epekto sa aso ug kalayo.
Sumala sa nakalap nga impormasyon sa Bombo Radyo, ang landfill dili aktibo sukad pa niadtong Agosto 2025 ug kanhi nang gigamit isip labayanan og basura sa Metro Manila.
Padayon usab nga nagbantay ang mga personel sa Bureau of Fire Protection sa lugar aron hingpit nga mapalong ang kalayo ug masuta ang hinungdan sa insidente.
