BUTUAN CITY – Gikumpirma ni Energy Secretary Sharon Garin nga pipila na ka mga Philippine-flagged vessels ang nakasulod na sa Strait of Hormuz, human ang kasabutan tali sa Pilipinas ug Iran.
Giklaro sa kalihim nga ang maong mga barko, wala pay kargang lana kondili laing produkto sama sa petro-chemicals. Importante matud pa ang klaro nga clearance dili lang alang sa mga Philippine vessels kondili apil na ang kaluwasan sa mga tripolanteng Filipino.
Madumdumang adiser ang giyera sa Middle East, sa Strait of Hormuz nag-agi ang mga barkong nagkarga sa hapos 20-porsiento sa supply sa lana sa tibuok kalibutan apil na ang uban pang importanteng mga pamatigayon.
Sigon sa report, libuang mga Filipino seafarers pa gihapon ang stranded sa Persian Gulf ug sa Strait of Hormuz wala pa’y labot ang mga nagtrabaho sa mga offshore facilities.
Gipaniguro usab sa Department of Migrant Workers nga gihimo na nila ang tanan aron matabang ang mga apektadong tripolanteng Pinoy.
