BUTUAN CITY – Padayong naka-heightened alert ang Coast Guard Station Surigao del Norte sukad pa niadtong Marso 28 tungod sa gila-umang pagdagsa sa mga pasahero nga mubiyahe sa nagkada-iyang lugar sa Caraga Region alang sa pagbalaan sa Semana Santa ingon man sa Summer Vacation 2026.
Sigon ni Ensign Roy Christopher Orillaneda, ang heightened alert kabahin sa ilang nationwide preparedness measures aron madumala ang taas nga pagsaka sa passenger traffic ug maritime activities.
Gani, nakig-alayon na sila sa sa mga Coast Guard units, port authorities, shipping companies, ingon man maritime stakeholders, sa ingon ilang mapakusgan ang ilang monitoring, inspection, ug safety operations aron masiguro ang luwas, secure, ug hapsay nga pag-aginod sa mga pasahero ug mga sakyanang pandagat apil na kadtong mangaligo og dagat nga sakop sa ilang area of responsibility.
Karong tuiga, dili matud pa susama ang pagdagsa sa mga pasahero diha sa ilang mga pantalan kumpara ning mi-aging mga tuig ilabina kadtong mangadto sa mga tourist destinations sa rehiyon sama sa Siargao Islands, Bucas Grande ug Dinagat Islands province.
Apan giklaro sa opisyal nga dakong tabang usab sa pag-cater sa daghang mga pasahero ang daghan na usab karon nga mga sakyanang pandagat nga nagserbisyo sa mga sumasakay.
Wala matud pa’y angayang kabalak-an tungod kay nag-deploy sila og mga personahe sa mga istratihikong lugar aron muhatag og assistance ug mamintian ang lig-ong security presence alang sa kaluwasan sa tanang mga sumasakay.
