BUTUAN CITY – Mipadayag si Iranian President Masoud Pezeshkian nga andam silang tapuson na ang giyera tali sa United States ug Israel.
Gipasabot niini nga mouyon lamang sila kung pabor sa ila ang mga kondisyon nga nakabutang sa peace deal nga giduso sa United States.
Gusto usab nila nga dili na mausab pa ang nahitabong giyera.
Sumala pa niini nga dili sila modawat og bisan unsang hanyag nga ceasefire tungod kay ang ila lang dawaton mao ang hingpit nga pagtapos sa giyera.
Wala usab sila motubag sa 15-point proposal sa United States tungod kay para nila dili kini makatarungan ug usa ra ka panig ang gipaboran.
Hinumduman nga makadaghan nang gibutyag ni US President Donald Trump nga nakabaton na og paghisgot ang mga representante sa United States ug Iran aron iduso ang maong 15-point proposal.
