BUTUAN CITY – Gi-isa na sa Department of Health kon DOH ang “code white alert” alang sa Semana Santa sugod ugmang adlawa Lunes, Marso 30.
Ubos sa code white, ang tanang DOH hospitals ug health emergency teams naka-standby 24/7 aron motubag sa mga insidente sa dalan sama sa road crashes ug uban pang emergency hangtod Abril 6.
Sumala sa DOH spokesperson nga si Albert Domingo, bisan andam ang DOH sa pagtabang niining Holy Week, ang kahimsog ug kaluwasan magsugod sa tagsa-tagsa ka kaugalingon.
Siguruon matud pa nga magpabiling hydrated ang tanan pinaagi sa pag-inom og 7 hangtod 8 ka baso sa limpyo nga tubig kada adlaw, gawas sa mga pasyente nga anaa sa ilawom sa medical supervision.
Alang sa mga nanginahanglan og tabang, mahimong tawagan ang 911 nga adunay coverage sa tibuok nasod.
