BUTUAN CITY – Gikumpirma sa Israel nga ilang naigo ang duha ka nuclear facilities sa Iran pipila ka oras human sila nagpasidaan nga palapdan pa ang ilang mga pag-atake batok sa Islamic country.
Sumala sa Atomic Energy Organization of Iran, gitarget sa opensiba ang Shahid Khondab Heavy Water Complex sa Arak ug ang Ardakan yellowcake production plant sa Yazd Province.
Hinoon Wala kini magresulta og casualties ug walay hulga sa kontaminasyon.
Ang planta sa Arak dili na aktibo sukad giatake kini sa Israel niadtong Hunyo, samtang ang yellowcake production plant usa ka konsentradong porma sa uranium human gitangtang ang mga impurities gikan sa raw ore.
Samtang, dali usab nga nagpasidaan og panimalos ang Iran, diin gibutyag ni Abbas Araghchi nga ilang tubagon og “bug-at nga bayad” ang mga krimen sa Israel.
Gane gipahibalo sa Iran nga ilang naigo ang usa ka military base sa United States sa Saudi Arabia.
Ang pag-atake sa Prince Sultan Air Base nakaangol og 10 ka American troops, diin duha kanila grabe ang kadaot, sumala sa duha ka opisyal sa US nga nahibalo sa sitwasyon.
Nadamay usab ang pipila ka refueling aircraft tungod sa maong pag-atake.
