BUTUAN CITY- Nagpaningkamot karon ang mga driver sa transport sector sa Butuan nga masulbad ang grabe nga kalisod tungod sa pagsaka sa presyo sa gasolina nga minglapas na sa per metrics.
Sumala ni Reynaldo Dieta sa transport sector nga nagpadayon ang grabe nga kalisod sa mga driver tungod sa pagsaka sa presyo sa gasolina nga misobra na sa per metrics, hinungdan nga halos ang ilang inadlaw nga kita mapadulong na lang sa gasolina ug bugas alang sa ilang pamilya.
Sigon pa niini, nga bisan pa sa ilang pag-antos ug mga reklamo, iyang gitambagan ang mga driver nga magpabiling mapailubon samtang naghulat sa pagtugot sa lokal nga panggamhanan sa Butuan alang sa posible nga pagsaka sa plete.
Gani gibutyag pa ni Diete, nga mipadala na sila og formal letter ngadto sa City Transportation and Traffic Management Department ug sa City Mayor’s Office kansa nag tumong nga usbanawan ang minimum fare gikan sa P10 ngadto sa P13, apan hangtud karun nagpabilin gihapon nga walay konkretong aksyon gikan sa mga awtoridad.
Samtang sa pikas bahin gibutyag usab ni Diete, nga isip usa ka retired Philippine National Police, gipasiugda niini nga ang kagubot sa Middle East mahuman lang matud pa kung adunay usa nga mosurrender, tungod kung magpadayon matud pa ang ilang mga garbo liisud matud pa bungkagon ingonman sulbaron ang maong panagbangi.
Dugang pa niini, nga kung walay mopa-ilub sa duha ka nasud, magpadayon ug lisod na sulbaron ang maong kagubot.
