BUTUAN CITY – Na-intercept sa United Arab Emirates kon UAE ang tulo ka mga ballistic missiles ug walo ka mga drones nga gipalupad sa Iran kagahapon, base na sa pagkumpirma sa ilang Defence Ministry.
Sukad nagsugod ang pagpangatake sa Iran, mi-abot na sa 341 ka mga ballistic missiles, 15 ka mga cruise missiles ug 1,748 ka mga unmanned aerial vehicles kon UAVs o mas nailang drones, ang ilang na-intercept.
Ang maong mga pag-atake, miresulta matud pa sa pagkamatay sa duha nila ka mga sundalo nga naghimo sa ilang national duty.
Mikalas usab kini og unom ka mga Pakistani, Nepali, Bangladeshi ug Palestinian nationalities.
Sa kinatibuk-an, mi-abot na sa 160 ka mga tawo ang angol sa maong mga pagpangatake kondiin ang uban, naka-angkon lang og minor injuries samtang igo-igo ug grabe usab ang na-angkon sa uban.
