BUTUAN CITY – Gitakda na sa House Committee on Justice ang mga adlaw sa pagdungog sa impeachment complaints batuk kang Vice President Sara Duterte.
Kini human nga gideklara sa House Justice panel ang ika-3 ug 4 nga impeachment complaints nga “sufficient in grounds”.
Sa pagdungog sa komite sa pagpanguna ni Batangas Representative Gerville “Jinky Bitrics” Luistro, gikumpirma niini nga giaprubahan ang duha ka mosyon nga walay misupak sa mga miyembro.
Sa Marso 25, Abril 14, 22 ug 29, 2026 gitakda ang inisyal nga pormal nga pagdungog alang sa impeachment complaints ni VP Sara.
Una niini, nagdeklara si House Senior Deputy Majority Leader Lorenz Defensor sa Iloilo nga ang ikatulong impeachment complaints sufficient in grounds para mohimo og pagdungog ang komite,
Rasong nagmosyon si Luistro ug uban pang miyembro sa komite para uyunan si Defensor ug sa dihang walay mikontra giaprubahan na ang 3rd ug 4th impeachment complaints nga sufficient in grounds.
Tungod niini mohimo na og hearing proper ang komite diin ang mga ebidensya ug mga testigo iprisinta isip kabahin sa pagdetermina sa probable cause.
Gipamugos usab ni Luistro nga nakadawat ang panel gikan sa House plenary nga ipadayon ang trabaho bisan og naka-recess ang Kongreso sugod sa Marso 21 hangtud sa Mayo 3.
Sakop sa authorization ang pagpatuman sa protective measures para sa complainant ug mga testigo base sa nakalatid sa Section 8 sa Rules of Procedures sa Impeachment Proceedings.
Nadawat usab sa komite ang sulat niadtong Marso 5 gikan kang Atty. Chel Diokno nga mihangyu sa pagpagawas og subpoena duces tecum para sa mga tukmang dokumento.
