BUTUAN CITY – Kapin sa 100 ka mga tawo ang patay sa gilusad nga military air strike sa Pakistan ngadto sa usa ka drug treatment centre sa Kabul, Afghanistan.
Tungod sa kakusog sa pagbusikad, dili na ma-ilhan ang pipila ka mga patay’ng lawas, base na sa pagkumpirma sa mga staff sa Kabul Forensic Medicine department ug gipanawagan karon sa United Nations ang imbestigasyon apan karon pa lang, gipanghimakak na sa Pakistan nga ilang gi-igo ang maong facility dungan sa pagbutyag nga sakto ang ilang mga gipunting nga military installations ug terrorist support infrastructure targets.
Madumdumang mi-ulbo ning mi-aging buwan ang cross-border conflict kondiin gipadayag sa Pakistan nga namira matud pa ang Afghanistan og mga militanteng maoy mi-atake sa ilang teritoryo nga gipanghimakak usab sa Kabul.
Gikondena gilayon sa UN Assistance Mission in Afghanistan kon UNAMA ang air strike nga gihimo matud pa sa Pakistani military forces ngadto sa Omid Addiction Treatment Hospital.
Samtang gipadayag ni Afghan health ministry’s spokesman Sharafat Zaman Amarkhail, nga wala’y natalang military facilities duol sa maong rehabilitation centre.
