BUTUAN CITY – Aprubado na sa Land Transportation and Franchising Board kon LTFRB ang pagtaas sa pamasahe nga mahimo nang 14-pisos ug epektibo sa Huwebes, Marso 19.
Sigon ni LTFRB chairman Vigor Mendoza II, usa kini sa pinakalisod nga desisyong ilang gihimo tungod kay kinahanglan nilang balansehon ang kaayuhan sa mga drivers ug operators ingon man mga commuters.
Ilalom sa fare adjustment, 14-pisos na ang minimum fare sa mga traditional jeepney samtang 17-pisos usab sa modern jeepneys samtang dugangan usab og piso ang plitehan sa ordinaryong provincial buses sa unang lima ka kilometro ug dugangan matag-kilometros depende sa klase sa bus.
Samtang sa Transport Network Vehicle Services kon TNVS, duna’y dugang nga 20-pisos sa base fare samtang ang mga airport taxis usab, duna’y usbaw nga 40-pisos samtang 15-porsiento usab ang usbaw sa point-to-point buses.
Ang pagsaka sa pamasahe mugna sa pagsaka sa presyo sa krudo nga epekto sa kagubot sa Middle East, spare parts, maintenance cost ug sweldo sa mga trabahante.
