BUTUAN CITY – Subling mipatim-aw sa buhatan sa National Bureau of Investigation kon NBI sa Pasay City kaganina ang 18 ka mga kanhi sundalo uban si Atty Levito Baligod aron pagsubmite sa ilang mga dokumento ug gikuptang nga ebidensya isip suporta sa ilang expose batuk sa mga tag-as nga opisyal sa gobyerno nga ila matud pang gihatdan og minaleta nga kwarta base sa mando ni kanhi Ako Bicol partylist Rep. Zaldy Co.
Suot nila sa pagdalikyat sa NBI ang susamang gisuot nilang itom nga t-shirt dihang una silang nagpakita sa publiko sa sa hinapos sa Pebrero ning tuiga.
Madumdumang una na silang gi-awhag ni NBI DIrector Atty Melvin Matibag nga magsubmite sa ilang individual affidavit ilabina nga kini ang ginumbok nga hinungdan sa pagka-deadlock sa una nilang panag-atubang.
Gisugyot pa ni Matibag ngadto kanila nga mangita sila og bag-ong abogado sa rasong gi-imbestigahan matud pa karon si Baligod apan sa ilang pag-atubang kanina sa NBI, ka-uban gihapon nila ang maong abogado.
