BUTUAN CITY- Mipadayag og kasubo ug kasuko ang usa sa mga tag-iya og panimalay sa Brgy Lipata, Surigao City, kini human nga gidayon ang demolition kaganinang buntag, Marso 11, 2026, adlaw nga Miyerkules.
Gipatuman sa mga otoridad ang pagguba sa ilang gipuy-an, bisan pa og sumala kaniya wala matud pa’y klarong court order ug daw wala ming-agi sa public hearing kalabot sa maong isyu.
Matod sa facebook post ni Frenchelle Comon Requillo, residente sa lugar, nga bisan pa og dugay na silang nagpuyo sa lugar ug adunay mga dokumento nga ilang gihuptan, wala gihapon matud pa’y epekto sa dihang gisugdan na sa mga awtoridad ang pagguba sa ilang balay. Sigon pa niini, nga ilang giagi sa legal nga proseso ang ilang dispute pinaagi sa korte.
Apan matod niya, ang mga pagdungog sa kaso kanunay matud pang ma-postpone, hinungdan nga wala dayon klarong resolusyon sa ilang panig.
Gibug-atan usab niini, nga bisan adunay mga opisyal sa barangay nga ilang gipili aron motabang sa mga residente, inay wala nagpakita panahon nga gidemolish na ang mga panimalay sa lugar.
Sa pagkakaron, padayon ang ilang panawagan nga matubag ug maimbestigahan ang nahitabo nga demolisyon aron masiguro nga nasunod ba ang hustong proseso ug mapanalipdan ang katungod sa mga apektadong residente.
