BUTUAN CITY-Hugot nga gimonitor sa Department of Trade and Industry kon DTI Surigao del Norte ang presyo sa mga batakang palaliton taliwala sa nagkagrabe nga tensyon sa Middle East kansa nakapekto sa presyo sa petrolyo ug uban pang produkto.
Sumala ni Maria Lourdes Chua, Head sa Consumer Protection Unit, nga gibuhat na sa ahensya ang regular nga inspeksyon sa mga establisemento aron masiguro nga walay mopatuman og dili makatarunganong pagpasaka sa presyo sa nag-unang palaliton sa merkado.
Gipasabot ni Chua nga bisan pa sa posibleng epekto sa global nga krisis, kinahanglan nga magpabiling patas ug mosunod sa balaod ang mga negosyante sa pagpresyo sa ilang mga gipangbaligya.
Gidasig usab sa DTI ang publiko nga ireport gilayon ugaling adunay mabantayan nga bisan unsang overpricing o paglapas sa price regulations aron nga maaksyunan dayon sa maong buhatan.
