BUTUAN CITY – Karong nadesisyunan na ang halos tanang lingkuranan nga gipilian sa general election sa Nepal ning mi-aging semana, ang partido ni rapper ug kanhi Kathmandu mayor Balendra Shah, ang klaro nang makakuha sa landslide majority sa parliamento.
Ang pagdaug sa Rastriya Swatantra Party’, nagtimaan sa unang higayon sulod sa pipila ka mga dekada nga ang usa ka single party nakakuha og majority vote sa Nepal kansa duna’y two-system format nga maoy hinungdan nga naglisod ang usa ka partido nga mudaog gilayon.
Giparot usab sa 35-anyos nga si Shah si kanhi Prime Minister KP Sharma Oli sa Jhapa 5 – ang na-andang luwas nga lingkuranan alang kang Oli – nga maoy maghatag og dalan kaniya aron mahimong sunod nga primero ministro.
Napildi usab si Gagan Thapa, ang presidente sa pinakadakong partido sa ilang nasud, nga mao ang Congress. Karon pa lang, nagsa-ulog na ang mga supporters ni Shah sa kadalanan, nanghugyaw ug nagpatingog og mga kampana nga mao ang iyang election symbol.
Ang eleksyon niadtong Marso 5 gihimo unom ka buwan napapha sa suko nga mga batan-on ang elite rule, nepotism, kurapsyon ug dili patas nga mugna sa duguong mga protesta
