BUTUAN CITY – Gikasubo pag-ayo sa transport sektor ang hilabihan na kataas kaayu nga presyo sa gasolina.
Sigon ni Wilfredo Ybanes, Chairman sa Butuan City Wide Tricycle Transportation Cooperative nga kagabii nagmonitor siya sa siyudad sa Butuan diin iyang na-obserbahan ang tag-as nga linya sa magpatubig og full tank tungod sa gilauman nang dakong pagsaka kaganinang alas 6:00 sa buntag.
Sumala pa niini nga dili sila susama sa ubang indibidwal nga dunay ikapa-full tank diin kadaghanan sa ilaha nagsalig sa inadlaw nga kita aron makatubil.
Tungod niini subling nagpaabot si Ybanes sa ilang hangyu sa nasyunal nga kagamhanan nga wagtangon na ang excise tax sa gasolina o kaha minusan aron mokunhod ang presyo niini.
Kini matud pa ang maayong nakita niini aron maminusan ang epektong hatud ngadto sa sektor sa transportasyon og dili ang fue subsidy nga kausa ra mahitabo rasong dili supisyente.
Samtang sa ilang grupo hugot usab nga gipahimangno ang pagbawas sa oras nga magpaso-paso sa kadalanan nga walay pasahero aron makadaginot sa gasolina.
Gitumbok usab sa transport leader nga panahon na sa karun nga usbawan ang plitihan aron dili kaayu mabun-og ang mga driver nga pamilyado usab.
