BUTUAN CITY – Nagpadayag og ka-andam si Alex Eala batuk sa higante sa tennis nga og home crowd bet nga si Coco Gauff sa Round 3 sa Indian Wells Open sa Indian Wells Garden sa California. Sigon ni Eala nga gikonsiderang underdog nga andam na siya sa dula nga mahitabo ugma sa alas 9:00 sa buntag oras sa Pilipinas.
Mahitabo ang rematch sa Stadium 1, ang ikaduha sa pinakadakong tennis stadium sa kalibutan sunod sa Arthur Ashe Stadium sa New York og gikonsiderang pinaka-gi-atangan nga dula nga gilaumang tambongan sa 16-mil ka mga fans.
Ang modaug niini, maka-away sa modaug usab tali nila WTA No. 38 Sorana Cirstea sa Romania og world No. 14 Linda Noskova sa Czechia alang sa Round of 16.
Gitoohang sayun ra nga papason sa 21-anyos nga si Gauff kansa WTA No. 4 og dunay tulo ka Grand Slams ang iyang makalaban nga 20-anyos nga Pinay kansa WTA No. 32 og dunay usa ka single title nga nakuha sa WTA125.
Apan sumala pa ni Eala nga dili kini ang una niyang dakong dula diin gihulgaway niya si Coco nga pinakalisud nga kalaban samtang kauban pa niya ang iyang mga kababayan nga nagsuporta kaniya rason nga gilauman na niya ang lisud nga dula rason nga nangandam siya pag-ayo niini.
Nasayrang si Eala, natapos na ang doubles campaign kauban ang American partner nga si Iva Jovic human napildi nila Latvia’s Jelena Ostapenko ug USA’s Hailey Baptiste sa iskor nga 6-2, 6-2.
Adiser pa niini, si Eala midaug sa iskor nga 7-5, 4-6, 7-5 batuk sa WTA No. 52 Dayana Yastremska sa Ukraine sa Round 2 human nakakuha og first-round bye isip No. 31 seed sa stacked 96-player sa field samtang ang No. 4 seed nga si Gauff, kansa nakakuha usab sa first-round bye gipildi ang No. 88 nga si Kamilla Rakhimova sa Ubzekistan.
Tungod niini, andam na ang Eala-Gauff II diin ang tanang mga metriko og timailhan nagpunting ngadto sa american star nga maoy modaug isip undisputed heavy favorite, ilabina kay gipildi niya ang Pinay sa 6-0, 6-2 sa ilang quarterfinals sa WTA1000 Dubai Duty Free Tennis Championships sa nakalabay lang nga bulan.
Apan malaumon si Eala nga lahi ang resulta sa ilang subling panag-agbat kauban ang mga Filipino fans sa California.
Si Eala, kansa segurado na sa 65 ranking points plus ang segurado nga 61,865 dolyares o 3.6 milyones pesos nga premyo, ang anaa na sa number 29 sa iyang bag-ong career-high sa WTA live rankings apan ang dakong kadaugan batuk kang Gauff pwedeng magbitbit kaniya padool sa Top 25.
