BUTUAN CITY – Padayon ang pagpanganaw-kanaw karon sa 10-anyos nga batang fashion designer nga si Max Alexander nga natawo sa Los Angeles, California niadtong tuig 2016 tungod kay siya ang pinakabata nga designer nga naka-debut sa Paris Fashion Week, ug karon adunay kaugalingong label nga gisuportahan sa mga celebrities ug gibaligya sa internasyonal nga merkado.
Nasayran nga sa edad nga 5-anyos, nakita na sa iyang mga ginikanan ang kahilig niya sa pag-design ug pagtahi sa mga sinina bisan dili pa siya makamaong mubasa.
Gani maghilak siya kung pakatulgon sa iyang inahan ilabina kung gusto niyang magtahi rason nga gisuportahan na lang kini sa iyang mga ginikanan.
Nagsugod siya sa iyang carrer niadtong tuig 2020, dihang nagpadayag siya nga gusto niyang mahimong dressmaker ug dinhi na niya gisugdan ang pagtahi ug pagdisenyo og mga sinina gamit ang ribbons ug fabric scraps.
Nakahimo siya og full collection sa iyang unang tuig sa training kondiin ang iyang mga disenyo gipalit ug gi-komisyon sa mga iladong personalidad nga dihang gi-post sa social media, paspas nga mi-abot sa milyunes ang iyang mga followers nga nagtan-aw sa iyang sustainable fashion creations.
Nagsugod siya sa iyang unang runway show sa Los Angeles niadtong tuig 2021 sa edad nga 5-anyos ug sa susamang tuig, iyang natukod ang label nga ‘Couture to the Max.’
Niadtong Marso 3 lang, siya ang pinakabata nga designer nga naka-show sa Paris Fashion Week sa edad nga 10-anyos kondiin girampa ang iyang mga designers clothes nga gikabiliban sa tibuok kalibutan.
