BUTUAN CITY – Nabulabog ang 2026 Camel Beauty Show Festival sa Oman human madiskubrehan sa mga beterinaryo nga mipailalom sa grabeng cosmetic enhancements ang pipila sa mga apil nga camel.
Muabot sa 20 ka camels ang gelayon nga gi-diskwalipika sa pasundayag human mapamatud-ang gitupukan ang mga niini sa Botox ug lip fillers aron makadani kung lantawon ug “cute ” ang ilang mga ngabil.
Gawas niini, nadiskubrehan usab ang paggamit sa silicone implants aron utrohon ang porma sa ilong, ug hormone injections para padak-on ang ilang buko-buko og kaunuran.
Seryosong negosyo ang mga camel beauty contests sa Oman tungod sa kadako sa premyong kwarta ug kantidad sa mabaligya sa mga modaug nga klase sa camel.
Tungod niini, natental ang ubang mga breeders nga manlimbong gamit ang mga gibawal nga procedures aron masakmit ang titulong “most beautiful camel.”
Nagpasidaan usab ang mga eksperto nga delikado kini sa panglawas sa mga hayop.
Ang fillers mamahimong maghatud og grabeng impeksyon samtang ang botox usab nakaapekto sa kapasidad sa mga camel nga mousap og moinom og tarung.
