BUTUAN CITY – Gikonsedera sa aktres nga si Nadia Montenegro nga usa ka regalo karong Women’s Month ang kadaugan niya sa pagpasaka og kaso batuk sa security staff sa senado.
Tungod kay gitugutan sa Pasay City Prosecutors’ Office ang pagpasaka og kasong unjust vexation batuk sa security officer.
Dunay kalabutan ang nasangpit nga insidente niadtong 2025 diin gi-akusahan ang aktres nga migamit og iligal nga droga samtang anaa sulod sa pansayan sa Senado.
Sa resolution nga gipagawas ni Senior Assistant City Prosecutor Ju-Haree De Tolentino, girekomenda niini ang pagpasaka og mga kasong unjust vexation case ug kalapasan sa Republic Act 11313, o naila isip Safe Spaces Act batuk sa Security officer sa Senado.
Mahinumdumang niadtong Agosto 12, 2025 gisita siya sa security officer sa Hallway sa Senado human migamit og pansayan diin gibira siya ug gipangutana kung migamit kini og marijuana.
Gipakita sa aktres ang sulod sa iyang bag bisan ang vape para mapamatud-ang walay sulod nga iligal nga droga.
Bisan og naghaon pa gihapon og incident report ang security officer diin kini nag-leaked ug mikaylap sa social media.
Tungod sa insidente, mihawa ang aktres sa pagka staff ni Senator Robin Padilla.
