BUTUAN CITY – Suportado sa Department of Health (DOH) ang gidusong Bagong Balikbayan Act, tunmgod kay mag-institutionalize kini sa usa ka komprehensibo ug malahutayonmg reintegration framework alang sa mga overseas Filipino workers (OFWs).
Atol sa Senate hearing, gipadauag ni DOH Undersecretary Albert Domingo nga ang reintegration, dili angayang lantawon nga alang lamang sa economic o kaha labor concern apan usa usab ka public health ug social protection issue.
Gipadayag niini nga daghang namalik nga mga OFWs ang nag-atubang sa mga dili matambalang kondisyong medikal, mga hulga sa panglawas nga trabaho nga nakuha sa ubang mga nasud ingon man psychosocial stress nga nalambigit sa mga migration ug panagbuwag sa pamilya.
Gipadayag niini nga ang pagtubag niini nga mga concerns, mahinungdanon aron masiguro nga ang mamalik nga mga OFWs, hingpit nga maka-recover ug mare-integrate ngadto sa ilang pamilya ug komunidad.
