BUTUAN CITY- Usa ka makapakurat nga impormasyon ang naglibot karon sa social media mahitungod sa gitas-on sa ilong.
Sumala sa nadungog nga pahayag, ang ilong nga dili muabot ug 2 inches ang gitas-on giila na matud pa nga Persons With Disability kon PWD.
Gipadayag usab nga sa ubang nasud, 2 inches ang gikonsiderar nga pinakagamay nga sukod sa ilong, samtang 4 inches usab ang giingong pinakataas nga normal nga gitas-on.
Bisan pa niini, wala pay opisyal nga pamahayag gikan sa mga ahensya sa panglawas o gobyerno nga nagkumpirma nga ang mubo nga ilong awtomatikong ma-classify isip usa ka kahimtang sa disability.
Sa pagkakaron, mas maayong maghulat sa opisyal nga giya gikan sa mga eksperto aron malikayan ang sayop nga pagsabot ug paghatag og label sa uban.
Hinuon, nagpadayon ang netizens sa pagbinayloay og komento ug pag-tag sa ilang mga kailang wala ming-abot sa 2 inch ang ilang mga ilong.
