BUTUAN CITY – Gihulagway ni Gilas Pilipinas head coach Tim Cone nga hilabihan kasakit ang ilang nasinating kapildihan sa kamot sa Australia nga number 6 sa team sa tibook kalibutan.
Sumala sa coach nga mas misamot ang sakit tungod kay napukan sila sa ilang kurto.
Kini human gipildi ang Gilas Pilipinas sa iskor nga 93-66 batuk sa Australia sa dula kagabii sa ikaduhang window FIBA Asia World Cup qualifiers.
Gamay lang ang biya sa Gilas Pilipinas sa duha ka quarter apan pag-abot sa second half dinhe na misutoy ang Boomers sa iskor 55 samtang 33 lang sa Pilipinas sa dulang gihimo sa Mall of Asia Arena sa Pasay City.
Tungod niini, natapos sa National Team ang second window nga walay nakuhang daug sa duha niini kadula nga pulos gihimo sa Pilipinas.
Sumala ni Cone nga nagtoo siyang maayo ang dilang dula tungod sa ilang depensa sa first half apan kalit lang nga nagpaulan og threes ang Boomers samtang sila naka-komitar og turnovers.
Susamang sentimento usab ang naluwatan ni Gilas guard Dwight Ramos diin dawat niya ang kapildihan apan sakit lang kay gilubong sila sa iskor sa ila pang kurto.
Tinguha karun niyang mag-improve pa ilabina kay makalaban pa ang Australia karung Hulyo.
Bisan paman sa sunod-sunod nga kapildihan, nakakuha nag-ticket ang Gilas sa sunod nga round sa qualifiers human usab sa kapildihan sa Guam ngadto sa New Zealand kagahapong adlawa.
